Daily Mountain Pass Gilgit Baltistan
علاقہ پچھلے تین دنوں سے بد ترین لوڈشیڈنگ کی زد میں ہے جس کی وجہ سے پانی کا بھی شدید بحران جاری ہے
پانی کا مسئلہ سنگین ہونے سے قبل انتظامیہ اور حکومت نوٹس لے اور شیڈول کے مطابق بجلی کی فراہمی کو یقینی بنائے،عمائدین
گلگت(مونٹین پاس نیوز) بد ترین لوڈشیڈنگ،عوام ذولفقار آباد روشنی کے ساتھ پانی کے بوند بوند کو ترسنے لگے۔تفصیلات کے مطابق ذولفیقار آباد جوٹیال پچھلے تین دنوں سے بد ترین لوڈشیڈنگ کی زد میں ہے طویل لوڈشیڈنگ ایک طرف عوام روشنی سے محروم ہے دوسری طرف پانی کو بھی ترسنے لگے ہیں یاد رہے ذولفیقار آباد کے مکین دریا کے پانی پر آباد ہیں بجلی نہ ہونے کی وجہ سے پانی نکالنے والے موٹر بیٹھ گئے خس کی وجہ سے علاقے میں پانی کا قحط پیدا ہوگیا ہے۔عوام نے متعلقہ اداروں سے مطالبہ کیا ہے کہ پانی کا مسلہ سنگین ہونے سے قبل نوٹس لے اور شیڈول کے مطابق بجلی کی فراہمی کو یقینی بنائے۔
