Daily Mountain Pass Gilgit Baltistan
کمانڈنگ ایس سی او میجر محمد اکمل رفیق نے ایس سی او فٹ بال ٹورنامنٹ کے افتتاحی تقریب سے خطاب کرتے ہوئے کہا ہے کہ ایس سی او کی جانب سے جلد گلگت بلتستان میں تھری جی فور جی سروس کا آغاز کیا جارہا ہے ایس سی او گلگت بلتستان اور آزاد کشمیر سمیت دیگر تمام دور افتادہ علاقوں کے عوام کو ٹیلی کمیونیکیشن کی سہولیات فراہم کرنے والی پہلی بڑی ٹیلی کمیونیکیشن کمپنی ہے گلگت بلتستان کے عوام کو ایس سی او مزید بہترین سروس فراہم کرنے کے لئے کوشاں ہے اُنہوں نے کہا کہ ایس سی او فٹ بال ٹورنامنٹ کے انعقاد کا مقصد ایک صحت مند معاشرے کی تشکیل ہے نوجوان نسل کے لئے کھیل کود کا انعقاد فائدہ مند اور صحت مند ثابت ہوگا میجرمحمد اکمل رفیق نے کہا کہ بلتستان کا معاشرہ پُرامن اور مثالی ہے یہاں کے عوام کو کھیل کود اور تفریح کے سہولیات پہنچانے کے لئے اس ٹورنامنٹ کا آغاز ایس سی او کی جانب سے پچھلے چار سالوں سے کررہے ہیں اس موقع پر اُنہوں نے بلتستان کے عوام کا شکریہ ادا کیا اور کہا کہ بلتستان کا معاشرہ ہمیشہ پُرامن اور ترقی کے منازل طے کرتے رہیں گے ۔
