Daily Mountain Pass Gilgit Baltistan
ابق امیدوار حلقہ نمبر تین لیاقت کشفی نے اپنے ایک بیان میں کہا ہے کہ محکمہ پولیس کی حالیہ بھرتیوں میں میرٹ کا قتل ، صوبائی حکومت حلقہ نمبر تین کے ساتھ ناروا سلوک بند کرے ، حالیہ پولیس بھرتیوں میں 70لڑکے حلقے نمبر تین سے کامیاب ہو گئے تھے اور اپنی قابلیت اور محنت کے ذریعے ٹیسٹ کوالیفائی کیا لیکن وزیر اعلیٰ نے راتوں رات نتائیج کو تبدیل کرکے ہمارے حلقے کے لڑکوں کا حق مارا اور ستر میں سے اکتیس لڑکوں کو ڈراپ کرکے
وزیر اعلیٰ نے اپنے بندے کھپا دئیے جس کی وجہ سے میرٹ کا جنازہ نکل گیا ۔ کرپشن کرکے میرٹ کی دھجیاں اڑانے والوں کو میرٹ کی باتیں زیب نہیں دیتیں ۔ جن لڑکوں کو ڈراپ کیا گیا وہ عدالتوں میں در بدر کی ٹھوکریں کھا رہے ہیں ، غریب لوگوں کا کوئی پرسان حال نہیں ۔ اگر حلقے کے قابل لڑکوں کو ان کا حق نہیں دیا گیا تو بھر پور احتجاج کرینگے
